زيتون

زيتون جنھن جي ميوي مان تيل نڪرندو آھي سان ڀل نہ کائو.

Ripe apple guavas (Psidium guajava)

Guavas, common

Nutritional value per 100 g (3.5 oz)
توانائي	285 kJ (68 kcal)
ڪاربوھائڊريٽس	14.32 g
کنڊ	8.92 g
خوراڪ وارو فائبر	5.4 g
چرٻي	0.95 g
پروٽين	2.55 g
وٽامن	Quantity %DV†
وٽامن اي beta-Carotene	4% 31 μg 3% 374 μg
[[ٿيامن | (B1)]]	6% 0.067 mg
[[Riboflavin|Riboflavin (B2)]]	3% 0.04 mg
[[Niacin|Niacin (B3)]]	7% 1.084 mg
[[Pantothenic acid|Pantothenic acid (B5)]]	9% 0.451 mg
Vitamin B6	8% 0.11 mg
[[Folate|Folate (B9)]]	12% 49 μg
Vitamin C	275% 228.3 mg
Vitamin K	2% 2.2 μg
معدنيات	Quantity %DV†
ڪيلشيم	2% 18 mg
فولاد	2% 0.26 mg
ميگنيشيم	6% 22 mg
ميگنيز	7% 0.15 mg
فاسفورس	6% 40 mg
پوٽيشيم	9% 417 mg
سوڊيم	0% 2 mg
جست	2% 0.23 mg
Other constituents	Quantity
Lycopene	5204 µg
Link to USDA Database entry
Units μg = micrograms • mg = milligrams IU = International units
†Percentages are roughly approximated using US recommendations for adults. Source: USDA Nutrient Database

صوفائي زيتون

زيتون (Guava) هڪ ميوي ۽ ان جي وڻ جو نالو آهي. هندستاني ۾ ان کي جام ڦل يا پيارا يا سفري آم يا امرود چوندا آهن. انگريزيءَ ۾ Guava چونس ٿا. جنھن کي فارسيءَ يا عربيءَ ۾ زيتون چئجي ٿو ۽ انگريزي ۾ Olive سو هڪڙو ٻئي قسم جو وڻ آهي، جيڪو ننڍي کنڊ ۾ نہ ٿو ٿئي، اهو يورپ جي ڏکڻ ۾ ۽ ڪن ٻين ولايتن ۾ ٿئي ٿو.

تعارف

ننڍي کنڊ جو زيتون يا جام ڦل اصل آمريڪا مان آيل آهي، پر ننڍي کنڊ ۾ بلڪل عام ٿي ويو آهي. اهو ننڍو وڻ ٿئي ٿو، جو وڌي وڌي پندرهن فوٽن جيڏو بہ ٿيندو آهي. آرڙھ جي ڏينھن ۾ ٻور جهلڻ لڳي ٿو، جيسين ڪ سانوڻ ۾ ڦر جهلي ٿو، جو سياري تائين هلي ٿو. موسم جي پڇاڙيءَ وارا ميوا وڏا ۽ عمدا بہ ٿين ٿا. الھ آباد ۽ ان جي آسپاس عمدي قسم جا زيتون ٿيندا آهن.

پوکي

پچڻ مھل هن ميوي جا دشمن گهڻا آهن. جهڙوڪ: پکي، نوريئڙا ۽ چمڙا. بھتر آهي ته پچڻ کان ٿورو اڳڀرو پٽي، ڪپڙي ۾ ڍرا ٻڌي، رکي ڇڏجن تہ ڀل اُتي پچن. هي وڻ ٻج مان ٿيندو آهي. سانوڻ جي ڏينھن ۾، ڳر سميت ٻج جو گولو زمين ۾ پوکي ڇڏجي. چڱي قسم لاءِ پيوند ڪرڻ بھتر آهي. اوڌ بہ لڳيس ٿي. جهڙيءَ طرح ڏاڙهون ۽ ڊاک بيداڻي ٿيندا آهن، تھڙيءَ طرح زيتون بہ بيداڻي ٿي سگهن ٿا.

قسم

ڏيھي توڙي ولايتي زيتون جا گهڻا قسم ٿين ٿا. ڪي ٿورا هيٺ ڏجن ٿا: پھريون ناسپاتي زيتون: هي وڏي ليمي جيڏو ٿئي ٿو. کل لسي ٿي ٿئيس ۽ اندران ڳر اڇي ۽ اهڙي ٿي نرم ٿئيس، جهڙو مکڻ. خوشبوءِ به گهڻي ٿي ٿئيس. ٻيو، ڪافري زيتون: هي آفريڪا مان آيل آهي. اهو مٿئين قسم کان وڏو ٿو ٿئي. شڪل بيڊولي اٿس ۽ آهي به سادو. ٽيون، صوفي زيتون: هن جو وڻ ننڍڙو ٿو ٿئي. ٻج تمام گهڻو ۽ ميوو اندران ڳاڙهو ٿو ٿئيس. هن کي ڳاڙهو زيتون به چوندا آهن. چوٿون، واڱڻائي زيتون: هن کي چيني زيتون بہ چوندا آهن، جو اصل انهيءَ ملڪ جو آهي. هي وڻ ڏهن کان ويھن فوٽن جيڏو ٿو ٿئي. پن ڪارا ۽ گهاٽا ٿا ٿينس. قد ۾ وڏي زردالوءَ جيڏو ٿو ٿئي. هي وڻ هندستان ۾ گهٽ آهي.