ڪلر سيدان
| ڪلر سيدان کلر سیداں | |
|---|---|
| شھر | |
 راولپنڊي جو تحصيلي نقشو | |
  ڪلر سيدان | |
| جاگرافي بيهڪ: 33°24′52″N 73°22′43″E / 33.41444°N 73.37861°Eمڪانيت: 33°24′52″N 73°22′43″E / 33.41444°N 73.37861°E | |
| ملڪ | پاڪستان |
| صوبو | پنجاب |
| ضلعو | راولپنڊي |
| تحصيل | ڪلر سيدان تحصيل |
| صدرمقام | ڪلر سيدان |
| ٽائون | 15 |
| يونين ڪاؤنسلون | 11 |
| حڪومت | |
| • ميئر | شيخ عبدالقدوس |
| بلندي | 520 ميل (1,710 ft) |
ڪلر سيدان(انگريزي: Kallar Syedan) پاڪستان جي صوبي پنجاب جي ضلعي راولپنڊي جي ھڪ ساڳي نالي سان تحصيل جو شھر ۽ صدر مقام آهي
تاريخ[سنواريو]
ھن شھر جي تاريخ 1200 سال پراڻي آھي. شھر کي سکن جي دؤر ۾ ڪافي اھميت ملي. ان دؤر جا گردوارا ۽ حويليون ۽ ننڍا ڪوٽ پوري راولپنڊي ضلعي ۾ سکن جي دؤر ۾ اھميت جي شھادت ڏين ٿا .[1] اوڻويھين صدي جي ٻئي حصي ۾ ھتي کيم سنگھ بيدي محل ٺھرايو جيڪو بيدي محل سڏيو ويندو آهي.[2] پاڪستان جي قيام بعد ان محل جي عمارت ۾ ڇوڪرن جو ھاء اسڪول قائم ڪيو ويو .[3]
شھر جو نالو[سنواريو]
ھڪ روايت مطابق شھر جو نالو ڪلر سيدان ھڪ معزز شھري ڪلو شاھ جي نالي تان پيو. ٻي روايت مطابق ھتي ڪلو راء ۽ بيلا راء نالي ٻہ ڀائر ھيا جن مان ڪلو راء جي نالي تان ھن شھر جو نالو ڪلر سيدان پيو ۽ بيلا راء جي نالي تان ٻئي شھر بيول جو نالو پيو. ھڪ ٽين روايت مطابق ھتان جو جر کارو ھيو ۽ نلڪن مان کارو پاڻي نڪرندو ھو جيڪو اڄ تائين کارو آھي. زمين جي ان حالت جي ڪري علائقي کي ڪلر سڏڻ شروع ڪيو ويو ۽ شھر جو نالو ڪلر سيدان پئجي ويو.
مردم نگاري[سنواريو]
ھتي جون اھم ذاتين ۾ ملڪ اعواڻ، قريشي، گکر، گجر، مغل، سيد ، جسيال ڪنيال راجپوت، ھاشمي راجپوت، چوڌري راجپوت شامل آهن.ھن شھر جا ڪافي ماڻھو يونائيٽيڊ ڪنگڊم ۾ رھن ٿا
سياحت جون جايون[سنواريو]
ھن شھر ۾ بيدي محل، سانگني فورٽ ۽ فاروالا فورٽ گھمڻ جون جايون آھن.
تعليم[سنواريو]
ھن شھر ۾ ڪافي تعليمي ادارا آهن جن ۾ پنجاب ڪاليج ڪلر سيدان، سپر ونگس ڪاليج، گورنمينٽ ڊگري ڪاليج (ڇوڪرن لاءِ)، شاھين پبلڪ اسڪول ۽ ڪاليج، گورنمينٽ ڊگري ڪاليج (عورتن لاء)، گورنمينٽ بوائز ھاء اسڪول ڪلر سيدان، الائيڊ اسڪول، فوجي فائونڊيشن ماڊل اسڪول شامل آهن.
اھم شخصيتون[سنواريو]
ھتان جي اھم شخصيتن ۾ سابق چيف آف آرمي اسٽاف، جنرل ٽڪا خان (1972–1976)، جنرل عبدالعزيز مرزا، چيف آف نيول اسٽاف ۽ سفير ۽ سپريم ڪورٽ جو سابق جج رٽائرڊ جسٽس سردار طارق مسعود شامل آهن.
حوالا[سنواريو]
- ↑ "Kallar Syedan’s Krishna temple: Precious heritage in ruins" (en-US ۾). Free Hindi ebooks. 2015-01-01. https://harshad30.wordpress.com/2015/01/01/kallar-syedans-krishna-temple-precious-heritage-in-ruins/.
- ↑ "Mardana Mian Mir descendants". www.info-sikh.com. حاصل ڪيل 2018-06-01.
- ↑ schoolinglog.com. "Government Boys High School KALAR SYEDAN, KALLAR SYEDAN, KALLAR SYEDAN". www.schoolinglog.com. حاصل ڪيل 2018-06-01.